RASMI: KESSY ATIA DOLEGUMBA YANGA

Kuna msemo wa Kiswahili unasema ‘ukisusa wenzio wala’, msemo huu umetimia baada ya beki wa kulia wa kikosi cha Simba SC Hassan Kessy kutia dolegumba kwenye fomu za usajili za Yanga na kujiunga na mabingwa hao wa mitaa ya Twiga na Jangwani.

Kessy ametia saini juzi mkata wa miaka miwili kuitumikia klabu ya Yanga kwa miaka miwili kuanzia mwezi ujao (June, 2016).

Awali Kessy alikuwa akiitumikia klabu ya Simba kabla ya kufungiwa mechi tano na wekundu hao wa Msimbazi kwa madai ya kuigharimu timu kutokana na kitendo cha kuoneshwa kadi nyekundu kwenye mchezo wa ligi dhidi ya Toto Africans mchezo uliomalizika kwa Simba kupoteza kwa bao 1-0.

Licha ya Simba kumfungia Kessy, tayari beki huyo mwenye uwezo mkubwa wa kukaba ns kupandisha mashambulizi mkata wake wa na Simba unamalizika mwisho wa msimu huu na klabu hiyo haikuonesha nia ya kuhitaji huduma ya nyota huyo wa zamani wa Mtibwa Sugar.

Mabasi Yaendayo kasi Kuanza Mei 10

Waziri wa Nchi, Ofisi ya Rais anayeshughulikia Tawala za Mikoa na Serikali za Mitaa, George Simbachawene amesema mradi wa Mabasi Yaendayo Kasi (Dart), unatarajia kuanza rasmi Mei 10, mwaka huu. 

Akizungumza kwenye majumuisho ya ziara ya Kamati ya Bunge ya Utawala na Serikali za Mitaa, Simbachawene alisema baada ya kukutana na wadau wa mradi huo, wamewahakikishia kuwa utaanza rasmi mwezi ujao bila kukosa. 

“Tumeambiwa mradi huu una mikataba mingi na kuwa bado kuna mjadala mkubwa wa mikataba. Hatuwezi kulazimisha maana unaweza kujikuta ukitengeneza mikataba mibaya, hivyo tunaendelea na mijadala ya mikataba,” alisema. 

Mwenyekiti wa kamati hiyo, Jasson Rweikiza alisema wameutembelea mradi huo zaidi ya mara nne na kugundua tatizo linaloukwamisha kuwa ni fedha na kuitaka Serikali kutoa fedha ili uanze. 

Aliesema lengo la kuanzishwa kwa mradi huo ni kupunguza kero ya usafiri kwa wakazi wa Jiji la Dar es Salaam wanaokabiliwa na tatizo la usafiri na foleni za barabarani, hivyo kutumia muda mrefu barabarani. 

Rweikiza alisema kukamilika kwa mradi huo na kuanza kufanya kazi kutapunguza kero na kuokoa muda mwingi uliokuwa ukitumia bila uzalishaji.

Ndege za Marekani zashambulia Al Shabaab Somalia

Ndege za kivita za Marekani zisizokuwa na rubani zimewaua karibu
wanamgambo 12 wa kundi la al-Shabab kusini mwa Somalia kwa
mujibu wa afisa mmoja nchini Marekani.
Msemaji wa makao makuu ya ulinzi nchini Marekani Jeff Davis,
alisema kuwa mashambulizi hayo ya angani, yaliendeshwa siku ya
Jumatatu na Jumanne katika eneo lililo Kaskakzinia mwa mji wa
bandario wa Kismayo.
Alisema kuwa mashambulizi hayo yalilenga ngome za al-shabab
ambazo ziitajwa kuwa hatari kwa Marekani.
BBC Swahili

Habari Zilizopo Katika Magazeti ya Leo Jumamosi ya April 9

Mrema wa TLP Amuomba Rais Magufuli Atimize Ahadi yake ya Kumpa KAZI Kama Alivyokuwa Amemwahidi Wakati wa Kampeni

Mwenyekiti wa Chama cha Tanzania Labour (TLP) taifa, Augustine Mrema amemuunga mkono Rais John Mgufuli kwa kasi yake ya kupambana na ufisadi na kumuomba ampe kazi ili amsaidie kutekeleza jukumu hilo.

Mrema alimuomba Rais Magufuli atambue uzoefu wake kwa kukumbuka jinsi alivyopambana na mafisadi wakati akiwa Waziri wa Mambo ya Ndani na Naibu Waziri Mkuu.

Huku akieleza CV yake hiyo, Mrema alimkumbusha Rais kuhusu ahadi aliyompa wakati wa kampeni za Uchaguzi Mkuu wa Oktoba mwaka jana, ya kumpa kazi katika Serikali ya Awamu ya Tano ikiwa atashinda na kuwa Rais.

Akizungumza na waandishi wa habari kijijini kwake Kiraracha mkoani Kilimanjaro, Mrema alisema kuwa anasikitishwa na ukimya wa Rais Magufuli kwa sababu aliamini kuwa angetekeleza ahadi hiyo ya kumpa kazi muda mfupi baada ya kutangaza Baraza la Mawaziri, jambo ambalo hadi sasa hajalifanya.

Alisema, alikutana na Rais Magufuli mwaka jana katika kampeni jimboni Vunjo kwenye eneo la Njia Panda lililopo ndani ya mji mdogo wa Himo na kuambatana naye kwenye mkutano wa hadhara, ambapo alimwombea kura kwa wafuasi wake na kuahidiwa ajira.

“Katika kampeni, Dk Magufuli alifika kwenye mkutano wangu nikamwombea kura kwa kuwaambia watu wangu wamchague kwa kuwa ni mchapakazi na mwadilifu. Aliahidi kunipatia kazi katika Serikali na sasa namkumbusha na kumuuliza mbona yupo kimya?” Mrema alieleza na kuhoji.

Alipoulizwa ni kazi gani inayomfaa katika Serikali ya Magufuli, alisema yeye alishawahi kuwa Waziri wa Mambo ya Ndani na Naibu Waziri Mkuu hivyo yuko tayari kufanya kazi yoyote itakayomfaa ila alitamani zaidi kupangwa sehemu nyeti ili amsaidie kutumbua majipu.

Mrema alimpongeza Rais Magufuli kwa jitihada binafsi za kutumbua majipu anazozifanya na alijigamba kuwa yeye ndio mwenye uzoefu wa kupambana na mafisadi kutokana na rekodi yake nzuri ya kipindi cha Rais wa Awamu ya Pili, Ali Hassan Mwinyi.

Katika hatua nyingine, Mrema alikanusha taarifa ya kuhongwa fedha ili kufuta kesi ya kupinga matokeo aliyoifungua dhidi ya Mbunge wa jimbo hilo, James Mbatia.

Alisema, taarifa hizo ni za kupuuzwa kwa sababu zinalenga kumpaka matope kwa wananchi wake wa Vunjo.

Mrema alieleza kuwa walifikia maridhiano ya pamoja kuhusu kuondoa kesi hiyo mahakamani na kwamba, hilo lilifanywa kwa kuzingatia maslahi ya wananchi. 

Pamoja na hayo, alikiri kumlipa Mbatia Sh mil 40 ikiwa ni sehemu ya kupunguza gharama alizotumia katika kesi hiyo, ikiwemo malipo ya mawakili wake.

KISWAHILI KWA WANAFUNZI: Ngeli tisa za Kiswahili na upatanisho wa kisarufi

Kwa ufupi
Kufahamu ngeli za Kiswahili kunamwezesha
mwanafunzi kuelewa upatanisho wa kisarufi
katika sentensi, kutambulisha maumbo ya umoja
na uwingi pia kufahamu uhusiano wa Kiswahili
na lugha zingine.
Habari
TUESDAY, JULY 22, 2014
KISWAHILI KWA
WANAFUNZI: Ngeli
tisa za Kiswahili na
upatanisho wa
kisarufi
 13   0  0  0
 0  0  13
Ngeli ni vikundi vya majina ya Kiswahili. Ngeli za
nomino ni utaratibu unaotumika kuweka nomino
katika matabaka au makundi yanayofanana.
Kufahamu ngeli za Kiswahili kunamwezesha
mwanafunzi kuelewa upatanisho wa kisarufi katika
sentensi, kutambulisha maumbo ya umoja na uwingi
pia kufahamu uhusiano wa Kiswahili na lugha
zingine.
Ngeli ya A–WA hutumika kurejelea viumbe vilivyo
hai (wanyama na watu). Majina mengi katika ngeli
ya A-WA huanza kwa sauti M- kwa umoja na sauti
WA- kwa wingi. Hata hivyo baadhi ya majina
huchukua miundo tofauti.
Mifano; mgonjwa - wagonjwa, mchungaji -
wachungaji, mwizi-wezi, mtu- watu.
Muundo ulio tofauti na maelezo hapo juu ni kama
mbuzi-mbuzi, kwale - kwale, nyati - nyati
kifaru – vifaru.
Ngeli ya LI-YA husimamia nomino zenye miundo
mbalimbali. Licha ya majina ya vitu visivyo hai,
ngeli hii pia hutumika kwa majina yote katika hali
ya ukubwa (yakiwamo ya watu au wanyama).
Majina mengi huanza kwa JI- au J- kwa umoja na
hubadilishwa kuanza na MA- au ME- kwa wingi.
Majina mengine ambayo huanza kwa sauti nyingine
kama vile /b/, /d/, /g/, /k/, /z/ n.k ambayo huwekwa
katika wingi kwa kuongeza kiungo MA-
Mifano; jimbo - majimbo, jicho - macho, jiko -
majiko, jino - meno, maua, umbo - maumbo, bati -
mabati.
Ngeli ya KI - VI hurejelea vitu visivyo hai ambavyo
majina yao huanza kwa KI- au CH- (umoja) na VI- au
VY- (wingi).
Mifano; kijiko - vijiko, kikapu - vikapu, kioo- vioo,
choo - vyoo, chumba - vyumba, chuma - vyuma,
chungu - vyungu
Ngeli ya U - I huwakilisha nomino za vitu visivyo hai
na ambavyo majina yake huanza kwa sauti M -
(umoja).
Mifano; mfupa - mifupa, mtambo - mitambo, mfuko
– mifuko.
Ngeli ya U - ZI hurejelea majina ambayo huanza kwa
U- (umoja) na huchukua ZI- kama kiambishi
kiwakilishi cha ngeli katika wingi.
Mifano; ufunguo - funguo, ukuta – kuta.
Majina ya silabi mbili katika ngeli hii huongezwa NY
katika uwingi. Mifano; uzi - nyuzi, uso – nyuso.
Ngeli ya I - ZI hutumiwa kwa majina yasiyobadilika
kwa umoja wala kwa wingi lakini huchukua
viambishi viwakilishi tofauti: I- (umoja) na ZI-
(wingi). Aghalabu haya ni majina ya vitu ambayo
huanza kwa sauti N, NG, NY, MB, n.k
Mifano; nyumba - nyumba, nguo - nguo, mbegu -
mbegu, nyasi - nyasi, nyama – nyama.
Ngeli ya U - YA hujumuisha nomino ambazo zina
kiambishi awali u-katika umoja na ma- katika
uwingi.
Mifano; unyoya - manyoya.
Ngeli ya KU huwakilisha majina yanayotokana na
vitenzi kwa vitenzi vinavyoanza na ku-(huitwa
vitenzi jina). Mfano Kusoma kwetu kumetusaidia,
Kusema uongo kumemponza.
Ngeli ya mahali PA - KU – MU. Ngeli ya PA hurejelea
mahali maalumu, padogo au palipo wazi. Ngeli ya
KU hurejelea mahali fulani kwa jumla au eneo
fulani. Ngeli ya MU - hutumika kurejelea mahali
ndani ya kitu kingine kama vile ndani ya nyumba,
shimo n.k. Ngeli za mahali hubaki vivyo hivyo katika
umoja na wingi
Hivyo, mwanafunzi anaweza kufanya mazoezi kadiri
awezavyo kwa kutunga sentensi umoja na uwingi
kwa kutumia neno au kitenzi jina ili kubaini kundi
husika la neno au maneno.
Mwandishi ni mtaalamu wa Kiswahili.

Facebook yatumika kuuza silaha Libya

Utafiti mpya umebaini kwamba kuna soko linaloendelea kuimarika
katika biashara haramu ya bunduki nchini Libya kupitia mitandao
ya kijamii hususan ule wa Facebook.
Ripoti hiyo inayoangazia miezi 18 ilibaini mauzo ya vifaa vingi
kutoka bunduki hadi makombora ya kutungua ndege.
Vifaa hivyo vilikuwa vikiuzwa kupitia mitandao ya siri ya makundi ya
Facebook.
Uuzaji wa bunduki ni ukiukaji wa sheria za huduma ya mtandao huo
na msemaji wa Facebook amesema kuwa wanawataka watu kuripoti
kuhusu machapisho kama hayo.
Ripoti hiyo ilizinduliwa na utafiti wa silaha ndogo ndogo na data
iliochunguzwa na shirika la utafiti la Armament katika mauzo 1,346.
Watafiti wanaamini kwamba hicho ni kipande kidogo cha biashara
yote inayoendelea katika mitandao ya kijamii.
Utafiti huo utatolewa siku ya Alhamisi,lakini BBC Newsnight inasema
inamiliki nakala ya utafiti huo.
Kanali Muamar Gaddafi alikuwa mnunuzi mkubwa wa silaha na
alidhibiti soko la silaha.
Katika kipindi cha miaka 40 alichokuwa mamlakani,inakadiriwa
alitumia dola bilioni 30 kununua silaha.

Ni haramu kulipia ngono Ufaransa

abunge nchini Ufaransa wamepitisha mswada ambao
unaharamisha watu kulipa ili kupata huduma ya ngono na kuweka
faini ya hadi dola 4,274 kwa wale watakaopatikana na hatia.
Wale watakaopatikana na hatia pia watalazimika kupewa mafunzo
ya mazingira yanayowakabili makahaba.Imechukua zaidi ya miaka
miaka miwili kupitisha mswada huo wenye utata kutokana na tofauti
zilizopo kati ya mabunge mawili kuhusu swala hilo.
Baadhi ya makahaba waliipinga sheria hiyo wakati wa mjadala wa
mwisho.
Waandamanaji 60 walipiga kambi nje ya bunge mjini Paris, walibeba
mabango moja likiwa na maandishi yaliosema:''Sina haja ya
kukombolewa, nitajikomboa mwenyewe'',kulingana na chombo cha
habari cha AFP.
Muungano wa makahaba wa Strass umesema kuwa hatua hiyo
itaathiri maisha ya kawaida ya makahaba wanaodaiwa kuwa kati ya
30,000 na 40,000.
Lakini wanaounga mkono sheria hiyo wanasema itasaidia
kukabiliana na mitandao ya ulanguzi wa binaadamu.
Pia itakuwa rahisi kwa makahaba wa kigeni kupata kibali cha
kufanyia kazi kwa mda nchini Ufaransa iwapo watakubali kutafuta
kazi zisizo za ukahaba.
Umuhimu wa sheria hiyo ni kushirikiana na makahaba ,kuwapatia
vibali vya utambuzi kwa sababu tunajua asilimia 85 ya makahaba ni
waathiriwa wa ulanguzi wa binaadamu ,mbunge wa chama cha
kisosholisti Maud Oliver ambaye alifadhili sheria hiyo aliambia
chombo cha habari cha AP.

Bashir atangaza kuachia ngazi 2020

Rais wa Sudan Omar al-Bashir amesema kwamba ataondoka
madarakani mwaka 2020 muhula wake wa sasa utakapomalizika
kwa mujibu wa BBC.
Bw Bashir pia amekanusha tuhuma kwamba wanajeshi wake
wamekuwa wakitekeleza dhuluma kwenye vita vipya dhidi ya
wanavijiji weusi katika eneo la Darfuf, magharibi mwa nchi hiyo.
Kiongozi huyo anatafutwa na Mahakama ya Kimataifa ya Uhalifu wa
Kivita (ICC) kwa tuhuma za kutekeleza mauaji ya halaiki na uhalifu
wa kivita.
Bw Bashir amekuwa madarakani tangu 1989. Alishinda uchaguzi
mkuu Aprili mwaka jana.
Bashir amesema kazi yake “inachosha” na kwamba muhula wake
wa sasa utakuwa wa mwisho.
“Mwaka 2020, kutakuwa na rais mpya na nitakuwa rais wa zamani,”
amesema.
Hata hivyo, wakosoaji wake watasema tayari amewahi kuahidi
kung'atuka awali lakini baadaye akakosa kutimiza ahadi hiyo.
Umoja wa Mataifa umesema zaidi ya watu 2.5 milioni
wamefurushwa makwao Darfur tangu 2003, zaidi ya 100,000
wakitoroka makwao mwaka huu pekee.
Rais Bashir amesema hakuna haja ya kuwa na walinda Amani wa
Umoja wa Mataifa na wafanyakazi wa kutoa misaada eneo la Darfur.
Amekana taarifa za kutekelezwa kwa dhuluma zaidi maeneo ya
milima ya Jebel Marra ambapo wanajeshi wa serikali walianzisha
operesheni Januari.
"Madai haya yote hayana msingi, ripoti hizo zote hazina ukweli,”
amesema.
"Namtaka yeyote azuru vijiji vilivyotekwa na wanajeshi, na
wanioneshe kijiji kimoja ambacho kimeteketezwa.
"Kusema kweli, hakujakuwa na mashambulio yoyote ya kutoka
angani.”
Rais huyo amesema wote waliotoroka mapigano walikimbilia
maeneo yanayodhibitiwa na serikali na kwamba hiyo ni ishara tosha
kwamba serikali haiwashambulii raia.
Rais Bashir pia amesema makadirio ya UN kwamba zaidi ya watu
100,000 wametoroka makwao eneo la Darfur tangu Januari kwa
sababu ya mapigano “yametiwa chumvi na si ya kweli”.
Ni watu wachache sana ambao wametoroka makwao na
wamekimbilia maeneo yanayodhibitiwa na wanajeshi wa serikali au
maeneo ambayo yana wanajeshi wa kulinda amani wa UN, kikosi
ambacho hujulikana kama Unamid.
Amesema wanajeshi wa UN na walinda amani wa umoja huo
hawana jukumu kubwa la kutekeleza na wanafaa kuondoka nchini
humo.
Aidha, amesema mashirika ya kutoa misaada yanayotoa misaada
kwa wakazi eneo la Darfur hawana jukumu la kutekeleza kwa
sababu hakuna uhaba wa chakula Darfur.
Bw Bashir amesema makadirio ya Umoja wa Mataifa kwamba watu
2.5 milioni wanaishi kambini eneo la Darfur si ya kweli na kwamba
idadi ya kweli ni watu karibu 160,000.
Bw Bashir alipata asilimia 94 ya kura kwenye uchaguzi wa mwaka
jana ambao ulisusiwa na upinzani.
BBC

Walimu Walazwa UCHI na Kuchapwa Viboko

Ofisi ya Elimu wilayani Kisarawe, Mkoa wa Pwani imelazimika kuwapa likizo walimu saba wa Shule ya Msingi Mingwata ili kuwajenga kisaikolojia baada ya kukithiri kwa matukio ya kishirikina yanayowakumba katika shule hiyo.

Walimu hao wanakumbana na matukio ya ajabu ikiwamo kujikuta uchi, kupigwa fimbo na mtu asiyeonekana na kulazwa nje ya nyumba zao.

Mmoja wa walimu walioathirika na matukio hayo, Emmanuel Shaaban alisema yeye na familia yake hawana raha kutokana na matukio hayo kwa kuwa usiku huvuliwa nguo na kujikuta wamelazwa sehemu nyingine, huku wakiwa wamechanjwa kwa wembe mwili mzima.

“Tarehe 26 mwezi wa pili, siku ya Alhamisi sitaisahau kabisa. Ndiyo siku ambayo nilikatwa viwembe mwili mzima na hali yangu ilikuwa mbaya, niliishiwa nguvu na mwili ukawa na ganzi na nilipokwenda hospitali niliambiwa sina ugonjwa,”alisema Shaaban.

Alisema alipotoka hospitali alikwenda kijijini kwao mkoani Mwanza na huko aliendelea kuwa na hali mbaya kutokana na kuzimia mara kwa mara kwa sababu ya maumivu ya kichwa hadi alipotibiwa kienyeji.

Mwalimu Mkuu wa shule hiyo, Mikidadi Mbelwa alisema awali alikuwa akiona vituko usiku na mchana, lakini alivumilia huku akitunza siri bila kuwaeleza wenzake ili asiwakatishe tamaa.

Mbelwa alisema baadhi ya matukio aliyokutana nayo ni kuvuliwa nguo usiku, kulazwa eneo jingine, kuchapwa viboko, kumwagiwa damu kwenye korido ya nyumba, kuchanjwa kwa wembe, kuzungukwa na nyoka mwilini, kuona mtu na kisha anapotea na kutupwa kwenye mashimo.

Mzazi wa watoto wanaosoma katika shule hiyo, Asha Kondo alikiri kuwapo kwa matukio ya watoto kuugua na kuanguka hadi uongozi wa kijiji ulipopeleka mganga wa kienyeji kutoa kinachodaiwa ni uchawi.

Mratibu wa Elimu wa Kata ya Marui, Damaru Charles alisema amekuwa akipokea malalamiko hayo na kuyawasilisha ngazi za juu.

Ofisa Elimu Msingi wilayani hapa, Aurelia Rwenza alisema tatizo hilo linawapa shida walimu na kurudisha nyuma maendeleo ya elimu katika sehemu hiyo.

“Kwa kweli walimu wameathirika, hivi sasa tunatakiwa kuwajenga kisaikolojia,”alisema.

Hatimaye Utumishi Wafafanua Kuhusu Mshahara wa Rais Magufuli na Kikwete

lakini hakukuwa na ufafanuzi wa mshahara halisi anaopokea Rais kwa wakati huo.

Kwa mujibu wa Katiba ibara ya 43 (1), Rais atalipwa mshahara na malipo mengineyo na atakapostaafu, atapokea malipo ya uzeeni, kiinua mgongo, posho, kadiri itakavyoamuliwa na Bunge na mshahara, malipo hayo mengineyo, malipo ya uzeeni na kiinua mgongo hicho, vyote vitatokana na Mfuko Mkuu wa Hazina ya serikali na vitatolewa kwa mujibu wa masharti ya ibara hiyo.

Ibara ndogo ya pili inasema mshahara na malipo mengineyo yote ya Rais havitapunguzwa wakati Rais atakapokuwa bado ameshika madaraka yake kwa mujibu wa masharti ya

Japan yaikopesha Tanzania Bil 117

Serikali ya Jamhuri ya Muungano wa Tanzania imesaini hati mbili za
makubaliano na Serikali ya Japan itakayoiwezesha Tanzania kupata
kiasi Yen Bilioni 6 ambazo ni sawa na Sh. Bilioni 117 za Kitanzania.
Akizungumza na waandishi wa habari mara baada ya kusaini hati
hizo, Katibu Mkuu Wizara ya Fedha na Mipango Dkt. Servacius
Likwelile alisema mkataba wa kwanza utasaidia katika kukamilisha
bajeti ya Serikali ya mwaka 2016/17.
Dkt. Likwelile alisema kuwa msaada huo unalenga kuweka
mazingira rafiki kwa wafanyabiashara, kuboresha masoko na
kuwezesha mazingira ya ushindani katika utengenezaji wa ajira
nchini.
Mkataba wa pili unahusu masuala ya kiufundi yatakayotumika
katika kufanya marekebisho ya mkataba uliosainiwa Octoba 20,
1966, kwa kuzingatia sheria nyingi zimebadilika, kusainiwa kwa hati
hiyo ya makubaliano itasaidia kutabadilisha baadhi ya vifungu
vyenye jina Tanzania na kuweka Jamhuri ya Muungano wa Tanzania
ili kujumuisha pande zote mbili za Muungano katika kutekeleza
miradi ya maendeleo nchini.
Aidha, makubaliano hayo yatasaidia kubadilisha baadhi ya vipengele
vya mkataba uliopita ikiwemo kipengele cha usambazaji wa
madawa ili kuweza kukidhi mahitaji ya sasa ya wataalamu kutoka
nchini Japan kuweza kuja kufanya kazi za kujitolea hapa nchini
Tanzania.
Katibu Mkuu Dkt. Likwelile ameishukuru Serikali ya Japan na
kusisitiza kuwa fedha hizo zitatumika kama ilivyopangwa ili kuweza
kuwa na tija na kuwaletea maendeleo Watanzania.
Naye Balozi wa Japan nchini Tanzania Bw. Masaharu Yoshida
amesema kuwa Serikali ya Japan ina imani kuwa ushirikiano uliopo
baina ya nchi hizi mbili utasaidia kukuza maendeleo ya uchumi na
kijamii.
Balozi Yoshida amesema kuwa Serikali ya Japani inaunga mkono
juhudi za Serikali inayo ongozwa na Rais Dkt. John Magufuli katika
masuala ya viwanda na mazingira mazuri yanayovutia wawekezaji
kuwekeza nchini Tanzania.

Raia wa Japan ajinyonga Tabora

Katika hali isiyokuwa ya kawaida mtu mmoja Raia wa Japan aliyekuwa mfanyakazi wa kampuni ya Konoike
inayoshughulika na mradi wa maji vijijini,amekutwa amejinyonga katika chumba cha kufanyia uchunguzi wa
udongo,bila kuacha ujumbe wowote.
Tukio hilo limeibua mshangao kwa wananchi wa Tabora na wafanyakazi wenzake.
Akidhibitisha tukio hilo,Kamanda wa Polisi mkoani Tabora Kamishina Msaidizi Hamis Suleiman,amemtaja
marehemu kwa jina la Akihila Takahashi(49),akidai kuwa tukio hilo ni la kushangaza,na ni la kwanza mkoani
Tabora mtaalamu na Raia wa Kigeni kujinyonga,huku akisema kuwa uchunguzi wa kina unafanyika.
Wafanyakazi wenzake wamesema kuwa,jana yake walikuwa naye kazini kama kawaida.
ITV

Gary Neville atimuliwa Valencia

Gary Neville ametimuliwa kuifundisha klabu ya Valencia inayoshiriki
ligi kuu ya Hispania, La Liga baada ya siku 120.
Neville mlinzi wa zamani wa Manchester United ameiongoza
Valencia kwenye michezo 28 akifanikiwa kuibuka na ushindi katika
michezo 10 pekee.
Mwenyewe amekubali licha ya kuwa alitamani kuendelea
kuifundisha Valencia lakini ameshindwa kufikia matarajio ya klabu

WATUMISHI HEWA 2,620 WABAINIKA, RIPOTI NZIMA YA MIKOA 23 IKO HAPA

Na Martha Magawa, Moshi Shabani
HATIMAYE wakuu wa Mikoa yote nchini wametii agizo la
Rais John Magufuli lilokuwa linawataka wasilishe ripoti ya
idadi ya watumishi hewa kwenye mikoa husika.
Wakuu hao wa mikoa wapya wamewasilisha ripoti za
watumishi hao leo Jijini Dar es Salaam,Waziri wa
Nchi,Ofisi ya Rais,Tawala za Mikoa na Serikali za
Mitaa,Georgy Simbachawene ili kuchukuliwa hatua za
kisheria kwa watumishi waliohusika katika kashfa hizo,
Mkoa wa Dar Es Salaam .
Akiwasilisha ripoti ya watumishi hewa.Mkuu wa Mkoa wa
Dar es Salaam, Paul Makonda amesema katika mkoa wake
baada ya kufanya uchunguzi kwa kushirikiana na kamati
mbali mbali wamebaini kuwepo kwa watumishi hewa 73
ambao watumishi hao hewa wamepelekea serikali kupotea
pesa zaidi ya Milioni 316 kwa mwaka mmoja.
“Katika mkoa huu tumepata watumioshi hewa 73,ila wengi
watahoji mkoa huu mkubwa kwanini unakuwa na
watumishi hewa wachache,nakata kukwambia Waziri, bado
tunaendelea na uchunguzi wa kina”amesema Makonda .
Mkoa wa Arusha.
Kwa upande wake,Mkuu wa Mkoa wa Arusha ,Daudi Felix
Ntibenda amesema katika mkoa huo umegundurika kuwepo
na watumishi hewa 270 ambao wamekuwa
wakiisababishia hasara serikali ya Bilioni 1.8 kwa kipindi
cha Mwaka mmoja,
Mkoa wa Dodoma.
Pia Mkuu wa Dodoma Jordan Lugimbana amesema katika
mkoa wake wamegundua kwenye mkoa huo kuna
watumishi hewa 101 ambao amedai wameisabishia hasara
serikali Milioni 287.3 kwa kipindi cha miezi sita.
Mkoa wa Iringa.
Mkoa wa Iringa Amina Masenza amesema katika mkoa
wake wamegundua kuwa kuna watumishi hewa 15 ambapo
amemweleza Waziri Simbachawene kuwa licha hao kuna
watumishi 145 ambao hajaonana nao huku akidai kuwa
akimaliza kuonana nao huwenda idadi ya watumishi hewa
ikaongezeka.
Mkoa wa Kagera .
Mkuu wa Mkoa wa Kagera Meja Jenelal Mstaafu Salum
Kijuu amesema mkoa wake wamebaini kuwepo kwa
watumishi hewa 14 ambao wamesababisha upotevu wa
pesa za serikali Milioni 49.1
Mkoa wa Katavi,
Pia Mkuu wa mkoa huu, Jeneral Raphael Muhuga
amesema mkuo huo umegundurika kuwepo kwa watumishi
hewa 21 ambao wameitia hasara serikali Milioni 20.7.
Mkoa wa Kigoma .
Pia Mkoa wa Mkuo huyo, Bregedia Jenaral Mstaafu
Emmanuel Maganga amesema katika mkuo huo wamebaini
kuwepo watumishi hewa 171 ambao wameitia hasara
serikali milioni 114.6.
Mkoa wa Kilimanjaro.
Mkuu wa Mkoa huo,Merck Sadick amesema wamebaini
mkuo wake umegundurika kuwepo na watumishi hewa 111
ambao wamekuisababishia hasara serikali hasara ya
milini 281.4.
Mkoa wa Lindi
Kwa Upande wa Mkuu wa mkoa huo,Godfrey Zambi
amesema mkoa wake unawatumishi hewa 57 ambao
wameitia hasara serikali milini 36.2.
Mkoa wa Manyara.
Kwa Upande wake mkuu wa mkoa huo,Joel Bendera,
amesema mkuo umekuwa na watumishi hewa 42 ambao
wameitia hasara serikali Milioni milioni 313.9.
Mkoa wa Mara .
Kuhusu Mkuoa wa Mara,Mkuu wa mkoa huo,Magesa
Mulongo amesema katika mkoa wake wamebaini kuna
watumishi hewa 94 ambao wameitia hasara serikali
milioni 121.
Mkuo wa Mbeya.
Kwa upande wa Mkoa wa Mbeya,Mkuu wa Mkuo huo,Amos
Makalla amesema katika mkoa wake kumekuwa na
watumishi hewa 98 ambao pia wameitia hasara serikali
Milioni 459 .6.
Mkoa wa Morogoro.
Hata hivyo mkuu wa mkoa huo,Dkt Steven Kebwe,ambapo
amesema mkoa wake umegundurika kuwepo na watumishi
hewa 122 ambao wameitia hasara serikali milioni 450.7.
Mkoa wa Mtwara.
Mkuu wa mkoa huo,Halima Dendegu amesema mkoa wake
ubainikika kuwepo kwa watumishi hewa 17, huku
watumishi wengine 285 uchunguzi ukiendelea,ambapo
watumishi hao 17 wameitia hasara serikali milioni 216.5.
Mkoa wa Mwanza .
Mkuu wa Mkoa wa John Mongella amesema mkoa wake
umengundurika kuwepo kwa watumishi hewa 334.
Mkoa wa Njombe .
Mkuu wa Mkoa wa NJombe,Dkt Rehema Nchimbi
amesema mkoa wake umekuwa na watumiwa na hewa 34
ambao amedai wamekuwa wakiitia hasara serikali Milioni
20.1.
Mkoa wa Pwani .
Mkuu wa Mkoa huyo,Mhandisi Evarist Ndikilo amesema
Mkoa wake umekuwa na watumishi hewa 150 huku
hakishindwa kusema hasara ya fedha za serikali kwa
madai kuwa uchunguzi unaendelea.
Mkua wa Rukwa .
Mkuu wa mkoa huo,Kamishna Mstaafu Zerote Steven
amesema mkoa wake umekuwa na watumishi hewa, 18 na
wametia hasara serikali milioni 55.6.
Mkuo wa Ruvuma ,
Mkuu wa Mkoa huo,Thabiti Mwambungu amesema mkoa
huo umekuwa na watumishi hewa 35 ambao wameitia
hasara serikali milioni 58.4.
Mkoa wa Simiyu .
Mkuu wa Mkoa huo,Antony Mataka amesema mkoa huo
umegundurika watumishi hewa 62 wameitia hasara
serikali ya Milioni 320.9.
Mkoa wa Singida ,
Mkuu wa mkoa wa huo,Mhandisi Methew Mtigumwe
amesema kuwa wafanyakazi hewa katika mkoa wake,231
nakueleza kuwa uchunguzi bado unaendelea ili kubaini
zaidi.
Mkoa wa Tabora
Mkuu wa mkoa wa Tabora Aggrey Mwanri ameanisha kuwa
katika mkoa wake watumishi hewa 48 ambapo wanaitia
hasara Serikali Milioni 118.7.
Mkoa wa Tanga .
Mkuu wa mkoa wa Tanga Martine Shigela amesema kuwa
watumishi hewa katika mkoa wake ni 104 ambapo
amesema kuwa tathimini ya kuhakiki bado inaendelea.
Hata hivyo katika mkoa wa Shinyanga imekuwa tofautina
mikoa mingine ambapo hadi sasa hakuna watumishi hewa
kutokana na mikakati iliyowekwa na kuanzia Mwezi Julai
mwaka 2014 na mkuu wa mkoa aliyepita.

Messi awakera wa Misri

Mwanasoka bora duniani Lionel Messi amegawa viatu vyake vya
kusakata soka katika mnada wa hisani nchini Misri,bila kujua
kwamba hatua hiyo huenda ikawakera wengine.
Kisa hicho kinajiri wiki chache baada ya Messi kupongezwa kwa
kutimiza ndoto ya kijana mmoja wa Afghanistan alipomtumia mpira
na jezi yake.
Lakini mchezaji huyo alipoonyesha hisani kama hiyo huko Misri
katika runinga moja ya Misri wiki hii hatua hiyo lionekana na wengi
kuwa matusi .
Wakati wa mahojiano ya runingani katika kipindi cha Yes am
Famous kinachorushwa hewani na runinga ya MBC Misri,mchezaji
huyo wa Argentina aliwaambia watangazaji hao kwamba angependa
kutoa viatu vyake vifanyiwe mnada.
Kile ambacho Messi hakuelewa ni kwamba nchini Misri na mataifa
mengine ya Uarabuni viatu hutumika kama ishara ya kukosa
heshima ama hata matusi.
Hivyo basi raia wa taifa hilo walichukulia kitendo hicho kama
makosa na kuanza kutoa hisia kali katika mitandao ya kijamii.

Serikali yaombwa kutoa vibali vya Sukari

Kamati ya kudumu ya Bunge ya Kilimo,Mifugo,Uvuvi na Maji imeiomba serikali kutoa vibali vya wafanyabishara ili kuingiza sukari ya nje kwa kipindi cha miezi mitatu ili kuondoa upungufu wa sukari uliopo.

Akizungumza na Waandishi wa habari jana Jijini Dar es Salaam, Mwenyekiti wa Kamati hiyo Dkt. Mary Nagu amesema kwa sasa nchi inakabiliwa na upungufu wa kati tani 80,000 hadi laki moja katika kipindi hicho ambacho kitakua ni cha matengenezo ya viwanda.

Dkt. Nagu amesema kuwa kwa kipindi ambacho miwa mingi inakua na maji hivyo inakua haifai kuzalisha sukari na ndicho hutumiwa na wazalishaji kufanya matengenezo ya viwanda vyao.

Aidha Dkt. Nagu amesema Machi 24 mwaka huu, kamati hiyo ilikutana na bodi ya sukari nchini na kuzungumza nayo ili kujua shughuli zao zinavyokwenda pamoja na changamoto zinazowakabili.

Aidha mwenyekiti huyo wa kamati amesisitiza kuwa vibali vinavyotakiwa kutolewa kwa wafanyabishara vinatakiwa kutumiwa vizuri kwa kufuata sheria na utaratibu wa serikali na sio kutumia mwanya huo kuingiza sukari nyingi itakayokuja kukutana na ya wazalishaji wa ndani.

CUF wakutana Zanzibar

Kamati ya Utendaji ya Taifa ya Chama Cha Wananchi (CUF) leo
imeanza kikao chake cha siku mbili mjini Zanzibar chini ya Katibu
Mkuu, Maalim Seif Sharif Hamad.
Kwa mujibu wa taarifa iliyotolewa na Kaimu Mkurugenzi wa
Mawasiliano wa CUF, Ismail Jussa, Kikao hicho kitaandaa ajenda
kwa ajili ya Baraza Kuu la Uongozi la Taifa la Chama litakalokutana
kwa siku mbili tarehe 2 - 3 April, 2016.
Baraza Kuu la Uongozi CUF linatarajiwa kutoa mwelekeo wa chama
hicho kuhusiana na hali ya kisiasa Zanzibar na Jamhuri ya
Muungano wa Tanzania kwa ujumla.
CUF inakutana kwa mara ya kwanza tangu kufanyika kwa uchaguzi
wa marudio visiwani Zanzibar Machi 20 ambapo chama hicho
kiliususia.
Chama cha Mapinduzi(CCM) kilizoa majimbo yote ya uchaguzi
Visiwani humo huku Dk Ali Mohammed Shein akishinda kiti cha
urais kwa kupata zaidi ya asilimia 91 ya kura zote halali.

Uchaguzi wa Zanzibar waikosesha hela Tanzania

Shirika la ufadhili la serikali ya Marekani limesitisha msaada wake
kwa serikali ya Tanzania likilalamikia matukio kuhusu uchaguzi wa
Zanzibar na kutekelezwa kwa Sheria ya Makosa ya Mtandao.
Bodi ya Shirika la Changamoto za Milenia (MCC) imesema Tanzania
haijatimiza viwango vinavyohitajika ili kunufaika na ufadhili kutoka
kwa shirika hilo, na hivyo basi haitapokea msaada wa awamu ya pili
ambao ulikuwa wa jumla ya Dola 472.8 milioni ambazo ni sawa na
shilingi trilioni moja za Tanzania.
Kupitia taarifa, bodi hiyo imesema: "Serikali ya Tanzania
haijachukua hatua za kuhakikisha kuheshimiwa kwa uhuru wa
kujieleza na uhuru wa kujumuika katika utekelezwaji wa Sheria ya
Uhalifu wa Mtandao.”
Bodi hiyo aidha imesema Tanzania iliendelea na uchaguzi wa
marudio Zanzibar ambao "haukushirikisha wote na wala haukuakisi
maoni ya wote, licha ya malalamiko kutoka kwa serikali ya Marekani
na jamii ya kimataifa.”
Mabalozi wakosoa uchaguzi wa Zanzibar
Mgombea urais wa Chama cha Mapinduzi (CCM) Dkt Ali
Mohammed Shein alitangazwa mshindi wa uchaguzi huo uliosusiwa
na chama kikuu cha upinzani, Chama cha Wananchi (CUF).
MCC imesema kwamba huwa inatilia mkazo sana demokrasia na
kujitolea kwa nchi kufanikisha uchaguzi huru na wa haki.
"Uchaguzi uliofanyika Zanzibar na kutekelezwa nwa Sheria ya
Uhalifu wa Mitandao vinaenda kinyume na hili,” imesema.
Tanzania ilipokea Dola 698 milioni katika awamu ya kwanza.
Pesa za MCC hutumiwa kufadhili miradi ya maji, barabara na
nishati.

Mwanamume aliyeteka ndege ya Misri akamatwa

Mwanamume aliyeteka nyara ndege ya shirika la Misri la EgyptAir
na kuishurutisha kutua Cyprus amekamatwa, wizara ya mashauri ya
kigeni ya Cyprus imetangaza.
Mwanamume huyo alidai kwamba alikuwa na mkanda wa kujilipua
na kumwamuru rubani wa ndege hiyo kuielekeza Cyprus au Uturuki.
Ndege hiyo, iliyokuwa safarini kutoka Alexandria hadi mjini Cairo,
mwishowe ilitua uwanja wa Larnaca nchini Cyprus.
Abiria karibu wote walikuwa wamefanikiwa kuondoka kutoka
kwenye ndege hiyo.
Ripoti zinasema kuwa mtekaji wa ndege ya EgyptAir anataka
kuongea na mkewe walietengana naye anayeishi Cyprus ambaye
kwa sasa anadaiwa kuelekea katika uwanja huo wa ndege.
EgyptAir: Mtekaji ataka kumuona ''mkewe''
Rais wa Cyprus Nicos Anastasiades amewaambia waandishi wa
habari kwamba tukio hilo la utekaji nyara halikuwa la kigaidi.
Akijibu maswali ya waandishi iwapo mtekaji huyo alishinikizwa na
mapenzi, alicheka na kusema, ''kila mara kuna mwanamke
anayehusishwa''.
Shirika la habari la Cyprus CYBC linasema kuwa mtekaji huyo
huenda alikuwa na malengo yake ya kibinafsi, mtekaji huyo alikuwa
na mkewe waliyetengana nchini Cyprus.
Walioshuhudia wanasema kuwa mtekaji huyo alirusha barua katika
uwanja huo wa ndege ilioandikwa Kiarabu akiomba ipelekwe kwa
mwanamke huyo.

Uchambuzi wa Humphrey Polepole Kuhusu Marekani Kusitisha Msaada wa Mabilioni ya Pesa na Shughuli zake Tanzania

Nianze na nukuu hizi mbili kuntu za Baba wa Taifa Mwalimu Julius
K. Nyerere- Mwenyezi Mungu amrehemu.
“Democracy is not a bottle of Coca-Cola which you can import.
Democracy should develop according to that particular country”.
June 1991 in Rio De Janeiro, Brazil
"Demokrasia sio chupa ya Coca-Cola ambayo unaweza kuagiza.
Demokrasia lazima ikue na kuendelezwa kulingana na nchi husika".
Juni 1991 Rio De Janeiro, Brazil (Tafsiri ni yangu)
“No nation has the right to make decisions for another nation; no
people for another people”. From ‘A Peaceful New Year’ speech,
Tanzania, January 1968
"Hakuna Taifa lina haki ya kufanya maamuzi juu ya Taifa lingine;
wala watu juu ya watu wengine ". Hotuba ya Amani ya Mwaka
Mpya, Tanzania, Januari 1968 (Tafsiri ni yangu)
Hili la Marekani na uamuzi wa MCC ni jambo la mpito na haliwezi
kuua mahusiano yetu na Marekani. Tanzania na Marekani
zinashirikiana kwa mambo mengi na MCC ni sehemu tu tena ni
eneo jipya la ushirikiano.
Uamuzi huu ni jaribio kwa uhuru wa Taifa letu. Hakuna namna
nyingine ila kushinda hili kama tulivyoshinda mengine huko nyuma.
Kwa wale ambao wameuona umri watakumbuka namna tulivunja
uhusiano na Ujerumani Magharibi 1964 pale walipotaka kuwa na
kauli hasi dhidi ya Muungano wa Tanganyika na Zanzibar.
Tulivunja uhusiano na Ujerumani Magharibi baada ya kutaka
kuingilia Uhuru wa Mataifa Mawili huru yaliyoamua kuungana na
kuunda Nchi Mpya ambayo leo tunajivunia, Jamhuri ya Muungano
wa Tanzania.
1965 Tulivunja uhusiano na Uingereza kufuatia na kitendo cha
wazungu wachache kujitangazia Uhuru (Unilateral Declaration of
Independence) kule Rhodesia na uingereza kukaa kimya na
kushindwa kuchukua hatua stahiki.
Tulivunja Uhusiano na Uingereza kuieleza Dunia kwamba Uhuru wa
nchi za Afrika ni kipaumbele muhimu kwa Tanzania. Jambo
tunalopaswa kufahamu ni kuwa MCC 2 toka mwanzo imekuwa ni
mtihani dhidi ya uhuru wetu.
Napenda ieleweke kwamba kipindi hiki kilichotokea sio kuvunjika
kwa uhusiano wetu na Marekani bali taasisi ya MCC ndio imesitisha
msaada wao kwetu, lakini mahusiano yetu na marekani bado yako
pale pale, na si Marekani au Tanzania inayoweza kuugharimu
uhusiano wetu.
MCC 1 ilikuwa ni chambo cha kutuvuta na tulipewa bila masharti
tena hela nyingi dola milioni 698 na ni fedha tulizopewa moja kwa
moja na kupewa uhuru wa kuamua tuzitumieje.
Tanzania ilitakiwa kuainisha maeneo kisha wao wanatoa hela. Ndio
maana miradi kama ile barabara ambazo hazikuwa zikipata ufadhili
kwa kuwa hazikuonekana ni za kiuchumi na miradi ya maji ya
Morogoro na kwingineko iliingizwa humu na kupata ufadhili.
MCC 2 sio hivyo. Kwenye MCC 2 walengwa wakubwa ni sekta
binafsi ya Marekani, hapa kuna mtego hapa, hapa ni biashara hapa.
Mchakato wa MCC 2 ulipoanzishwa, wafanyabiashara kwa
kushirikiana na Maseneta wakaanzisha hoja kuwa kwanini
Marekani inatoa fedha kwa ufadhili katika nchi ambazo China ndio
wenye kufaidika na fedha hizo?
Wakaleta hoja ya kuwa Serikali ya Marekani ifanye jitihada ya
kuweka fedha kwa kusaidia Sekta Binafsi ya Marekani kupenya
Afrika.
Ukaitishwa mkutano wa US-Africa Summit na agenda kubwa ikawa
Power Africa. Katika Power Africa, Marekani ikalichagua eneo la
Nishati (si uzalishaji viwanda) kwa kutambua kuwa ndio eneo
pekee wanaloweza kushindana na wachina.
Wakasema wataelekeza fedha huko kuisaidia Afrika kutatua tatizo
la nishati ambalo ndio pembejeo ya viwanda. Wakaweka sharti
kuwa fedha hizo na miradi hiyo itatekelezwa na Sekta Binafsi ya
Marekani.
Ndio sababu wengi wenu mtakumbuka hata Rais Obama alitangazia
dhamira ile pale Ubungo kwenye Mitambo ya Symbion Power na sio
kwamba alipenda kwenda kutembea Ubungo.
Kuanzia hapo kumekuwepo na shinikizo kubwa sana na masharti
magumu na yenye kuhamahama (shifting goal post) kutaka
kuibaka sekta ya nishati nchini ikiwemo mageuzi ya TANESCO.
Zikaainishwa hatua kadhaa,ambazo utekelezaji wake baadhi ni
kisheria na kisera na hivyo haziwezi kwenda kwa deadline
walizotaka.
Kila bodi ikikutana wanaibua hiki na kile lakini wakisema hela
watatoa. Hela hizi zikawa zimeshikiliwa kama chambo ukisogelea
zinasogea, ni sawa na ule mchoro wa Mpanda Punde aliyeshika
fimbo yenye majani na akiielekeza mbele ya punda, kwamba punda
ataendelea kuyafuata majani akidhani atayafikia kumbe ndio
anaupiga mwendo.
Hatimaye wakasema wanasubiri uchaguzi mkuu jambo ambalo
halihusiani na madai ya mwanzoni. Baada ya uchaguzi wakaibuka
na suala la Zanzibar.
Hivyo, uamuzi wao wa leo ni uamuzi uliotarajiwa. Pia ni uamuzi
wenye madhara kwa sekta binafsi ya Marekani pia ambayo ndio
ilikuwa itekeleze miradi hiyo.
Kama Taifa ni muhimu kulinda utu na uhuru wetu. Ndio msingi wa
sera yetu ya nje toka mwanzo na hata sasa. Tumetofautiana na
Marekani katika hili tutapatana katika mengine. Ndio uhai wa
maisha ya diplomasia.
Wao nao wanayo hadhira ya wapiga kura wao wanayojaribu
kuituliza huko nchini kwao kwa uamuzi huu. Tunapaswa
kuheshimu uamuzi wao kama ambavyo wanapaswa kuuheshimu
wetu.
Hatimaye baadae tutapatana. Marekani inaihitaji Tanzania zaidi na
Tanzania inaihitaji Marekani. Marekani inahitaji MCC 2 zaidi hali
kadhalika Tanzania inahitaji MCC 2.
Mahusiano ya Tanzania na Marekani hayakuanza na hayataisha na
MCC. MCC imeyakuta na itayaacha.
Kama marudio ya uchaguzi wa Zanzibar ndio kigezo, basi Marekani
isingekuwa inatoa zaidi ya Dola Bilioni 3 kila mwaka kwa Egypt iliyo
chini ya utawala wa kijeshi kwa sababu ya kuununua ugomvi wa
Egypt na Israel na isingetoa kiasi cha dola bilioni 6 kwa Israel kila
mwaka kwa yale wanayoyafanya dhidi ya Wapalestina.
Huu ni wakati ambao Taifa linawaita Wazalendo wake. Wazalendo
wasimame na kusema 'Nchi yangu KWANZA, iwe Sahihi au
Imekosea" na Makuwadi watashangilia na kusema "si mnaona sasa
kiko wapi?".
Huu ni wakati wa kujifunga mikanda na kulinda heshima yetu kama
Taifa letu. Tuna vyanzo vya mapato vingi sana ambavyo
hatujaanza kukusanya mapato, tuwe wabunifu na tusibweteke na
kutegemea mapato yataongezeka maradufu kwa vyanzo vile vile.
Niseme kwa uchache, sababu walizotoa MCC, na ieleweke aliyetoa
tamko ni MCC, heri lingetoka tamko hili Wizara ya Mambo ya Nje au
Ikulu ya Marekani, moja ni Zanzibar na pili ni Sheria ya Makosa ya
Mitandao (Cyber crimes Act).
Sasa hebu tujadili kidogo, hivi kule Zanzibar tulitaka kitokee nini
pale ambapo wanasiasa walikuwa hawataki kujadiliana?
Tume ile ile ya Uchaguzi ambayo bado ilikuwa na uhalali wa kikatiba
na kisheria kuuitisha, kuufuta na kuuitisha tena uchaguzi ikachukua
nafasi yake.
Wanasiasa wasio makini wakaishia kuhamishia malumbano
mitandaoni badala ya kuitafuta suluhu ya kisiasa na pale siasa
iliposhindikana basi wangeitafuta suluhu katika mahakama za
Zanzibar.
Mezani wakashindwa, mahakamani hawakwenda. Tume ikachukua
uongozi, uchaguzi ukaitishwa Wananchi wakapiga kura na sasa
huko Zanzibar kuna serikali na baraza la wawakilishi.
Hata mimi sifurahii sana njia waliyoichukua Zanzibar lakini ilibidi
siasa za madaraka zisite ili tuanze kufanya siasa za maendeleo. Je
wamarekani walitaka muujiza gani utokee huko.?
Kuhusu Sheria ya Mitandao, hata mimi siipendi, si twende
mahakamani, bunge litaanza vikao muda si mrefu je wabunge si
wapeleke hoja ya kuifanyia marekebisho sheria hii.
Sasa Marekani (MCC) inapoweka shinikizo kwa suala la Sheria
ambayo ni jambo la ndani na linaloweza kujadilika, sijaelewa.
Mbona sie hatujapiga kelele Yule jamaa yao Trump alipotutusi
waafrika na kusema sisi stahili yetu ni kuwekwa tena chini ya
ukoloni (hapa nimechomekea tu).
INDHARI
Ni aibu kwa viongozi wa kisiasa kufurahia jambo hili, ni ishara ya
ukuwadi wa kisiasa na ambao uko tayari kukumbatia mahusiano
yanayotweza Uhuru wetu. It is now high time kufanya siasa safi za
maendeleo (politics of development) na sio kujikita katika katika
siasa za madaraka (Politics of Power).
*************
Imeandikwa  na: Humphrey Polepole.
Mwandishi, Ndg. Humphrey Polepole amenufaika na uelewa wa
watu wenye uzoefu wa mahusiano ya Tanzania na nchi za Nje.
Aidha, ni mnufaikaji (alumni) wa programu ya uongozi chini ya
Wizara ya Mambo ya Nje ya Marekani.

Dylan Kerr , Kocha mkuu Simba afukuzwa kazi rasmi…

Katika kikao kilichofanyika usiku wa kuamkia Tarehe 12 , Uongozi wa klabu ya simba umeridhia kukatisha muda wa Kocha mkuu wa klabu hiyo , Dylan Kerr kukinoa kikosi cha Simba baada ya kumfukuza kazi kwa makubaliano ya pamoja na hivi sasa ni rasmi kwamba Kerr si kocha wa simba tena .
Uamuzi huo umefikiwa  baada ya kutoridhishwa na mwenendo wa kikosi hicho katika Ligi Kuu Bara na baadaye Kombe la Mapinduzi lililomalizika hivi karibuni mjini Zanzibar.
Pamoja na kutokuwa na matokeo mazuri lakini inaonekana uongozi haujaridhishwa na uchezaji wa kikosi cha timu hiyo na mambo yalikuwa mabaya zaidi katika mechi dhidi ya Mtibwa Sugar.
“Kweli kamati ya utendaji imefanya kikao cha muda cha dharura na kukubaliana na hilo,” kilieleza chanzo kutoka Zanzibar.
“Taarifa tulizonazo ni kwamba kocha Kerr ameitwa Dar es Salaam ambako ataondoka kesho Jumanne akiwa Dar es Salaam ataelezwa kuhusiana na uamuzi huo wa uongozi kumtupia virago na nafasi yake atapewa Kocha Majanja ambaye juzi aliingia mkataba kama kocha msaidizi.”
Chanzo kilipoulizwa kama uongozi hauwezi kubadili uamuzi hiyo kesho, kilieleza:
“Tunaamini hakuna nafasi hiyo, hata Kerr mwenyewe ameishashitukia, atakuwa anajua kwamba mambo yatakuwa hivyo. Usiku huu ameamua kutoka kwenda kuiaga Zanzibar (kicheko).”
Taarifa nyingine zimeeleza kwamba Kerr raia wa Uingereza ameponzwa na ubishi na uongozi umekuwa ukimlaumu kutofanya kazi kwa kujituma.
Wakati fulani, Rais wa Simba, Evans Aveva aliwahi kujitokeza mazoezini kimyakimya wakati Simba ikijifua kwenye Uwanja wa Chuo Kikuu Dar es Salaam (UDSM), hali iliyoonyesha wazi uongozi hauridhiki na utendaji wa Mwingereza huyo aliyechukua nafasi ya Goran Kopunovic aliyeondoka baada ya kutaka dau la Sh milioni 100 ili aongeze mkataba mpya Simba.
Kerr anaondoka na kuiacha Simba katika nafasi ya tatu baada ya mechi 13 na imekusanya pointi 27 nyuma ya Yanga yenye 33 na Azam FC kileleni ikiwa na 35.
Mwingereza huyo anaiacha Simba ikiwa imeshinda mechi 8, sare 3 na kupoteza mbili, imefunga mabao 20 ikishika nafasi ya tatu kwa ufungaji baada ya Yanga yenye 30 na Azam FC yenye 27 huku ikiwa imeruhusu mabao 9, ikiwa safu bora ya ulinzi katika nafasi ya nne baada ya Azam iliyoruhusu mabao 8, Mtibwa Sugar mabao 7 na Yanga yenye safu ngumu zaidi imefungwa mabao matano tu.
Kumbuka Bongosoka android application imetoka |

Hongera MESSI

The speculations were right and right indeed – Lionel Messi won his 5th FIFA Ballon d’Or this evening in Zurich. Messi stood up to his reputation of being the best player in the world for the previous year, as he was the magic and momentum of Barca’s La Liga campaign, also helping his team win the UEFA Champions League and complete the treble by winning the Copa del Rey beating Athletic Bilbao in the final.
Messi surpassed Cristiano Ronaldo and Neymar, who were left second and third in the voting process.
Having been narrowly eclipsed by his great rival Cristiano Ronaldo in 2014, this was the year Lionel Messi bit back. Won almost every trophy going with a supreme Barcelona side and his own standards never slipped: his goals and assists tally would have been even higher but for an injury in the autumn.
The winner has been voted for by coaches, captains and sports journalists, who all looked to favour Lionel Messi.
After recieving the award, Messi declared:
“It is a very special moment for me to be back here on this stage, winning again another Ballon d’Or after being there in the audience watching Cristiano win. It’s incredible this is my fifth.
“It’s much more than anything I’ve dreamed of as a kid. I want to thank everyone who voted for me and I want to thank my team-mates.
“And lastly, I want to thank football in general for everything it has brought me. Both the bad and the good. Because it has made me learn and grow.”
It is the 5th FIFA Ballon d’Or award for Lionel Messi, as he looks forward to achieving and winning even more trophies in the future.
Full list of awards:
FIFA Ballon d’Or – Lionel Messi (Barcelona).
Women’s player of the year – Carli Lloyd (USA).
Men’s coach of the year – Luis Enrique (Barcelona).
Women’s coach of the year – Jill Ellis (USA).
Fifa/FifPro World XI – Neuer; Alves, Ramos, Thiago Silva, Marcelo; Iniesta, Modrić, Pogba; Messi, Neymar, Ronaldo.
Puskas award – Wendell Lira (Vila Nova).